حب ولكن...............

حب ولكن................

الموضع ده مهم اوى وكلنا بدون استثناء مرينا بيه لكن فى اللى مر معاه مرور الكرام كاعجاب بشخصيه
او اعجاب بالاضواء او... او...
وفى اللى ليهم الفضل فى ان الفكره دى تطرح اللى هما بيحبو شخص مشهور ايا كان درجة شهرته
او سببها مش كحب عادى لا دول بيحبوهم لدرجة ان حياتهم بتتاثر بالحب ده وانا هسميه حب مش هقول
ده مش حب لكن حب فى زاويه مش سليمه حب اللى بيموت مبيحيش

المفروض ان طبيعى اى شخص ما مشهور وعليه
الاضواء مش هنقول بيكون متجمل لكن هنقول بيحاول يظهر اكيد
بصوره لائقه صوره محترمه الصوره اللى بتكسبه حب الناس وتقبل الناس ليه
الصوره اللى بتكسبه اسمه ومكانته المقبوله
كل ده جميل اوى
المشكله فى العقول اللى مبتتقبلش ده وتحب وتعشق الصوره الموجوه على الشاشه
مع الاحترام طبعا لكل المشاهير اكيد ناس محترمه وكويسه علشان كده بينالو حب الناس
لكن حب يدمر حياه ده مش مقبول
اننا نحبهم ونعتبرهم اهلنا ده شىء جميل اوى لكن نحبهم ونعشقهم لدرجة الجنون لدرجة
ان الحب ده ياثر على استقرار حياتنا ونعيش فى احلام واوهام كدابه غشاشه تدمر
مسيرة حياتنا ده ضعف من وجهة نظرى
واكيد المشاهير دول بيحبونا زى مابنحبهم ومش هيقبلو ابدا يكونو سبب لتدمير حياة
ناس بيحبوهم

خلينى اتكلم بصراحه اكبر واتمنى محدش يزعل
السبب اللى اوجد الموضوع ده فى ذهنى هو (( هيثم سعودى ))
طبعا هو حبيبنا كلنا وكلنا بنحبه جدا وبنحترمه جدا وبنقدره وهو فعلا واحنا اسره واحده
واسره جميله اوى
لكن فى بعض الناس بتحب هيثم مش كمذيع بس وكلنا عارفين ده
ودى حاجه تخوف مش تخوفنا اكتر مانخاف عليهم
وتخوف هيثم قبل اى حد فينا صدقونى
لان هيثم بجد بيحبنا كلنا وبيحترمنا وبيقدرنا واكيد بيهمه امرنا جدا
ومش هيسعده ابدا لما يكون فى ناس من مشاهديه ومحبيبه بيعلقو نفسهم
بحاجات هو ملوش يد فيها لكن للاسف اوهام موجوده فى خيالهم بس
بيعيشوها وبيصدقوها لدرجه كبيره اوى

انا مش عاوزه اتكلم فى الموضوع ده لوحدى اتمنى تشاركونى رايكم
ولو فى اى حد شاف او سمع نموذج حصل معاه كده
ياريت يحكيهولنا ونناقشه

أحيكى على موضوعاتك صديقتى الجميله ز

عندك حق والله دى بقت مشكله كبيره جدا فى ظل الفضائيات وكثره النجوم .

انا شفت برنامج لمصطفى قمر من اسبوعين وكانوا مستضفينه وكانت المذيعه بتتكلم معاه عن حياه المعجبين وهل لازم المشهور ما يكنش ليه حياته الخاصه ويتجوز علشان مترحش نجوميته لكن هو رد رد عجبنى جدا ان انا لازم ابنى حياتى لان الفن مش دايما اطلاقا .

وفى دلوقتى برده ازمه تامر حسنى واللى معجباته بتعمله وحالات الاغماء والصويت وخصوصا لما اخد جائزه ميوزك افريكا وتشوفى المهرجان كانه ملاك نازل من السما حشا لله و كل ده طبعا كان مصطنع وغير منطقى .

من المفروض اعجبانى بفلان لا يتعدى اعجبانى بفكره وشخصيه فكره ذى هيثم كده هو ذيه ذى اى شاب لكن اللى بيختلف فيه عن باقى الشباب فكره وشخصيته وموضوعيته للأمور .

موضوع جامد وفعلا دلوقتى بقت تحصل كتير لدرجه انهم بيخربو بيوتهم بسبب كده تكون متجوزه وواقعه فى غرام حد مشهور طيب وجوزك اللى معاكى ده احنا اه نحب حد مشهور بس حب عادى اننا معجبين مثلا بتفكيره بعقليته زى ما احنا بنحب هيثم كده

اولا بحيكو على ردودكم الجميله وانا سعيده ان فى تقبل للمناقشه فى الموضوع ده والحكايه مش سهله الموضوع خطير اوى ولازم نوعى بعض ونفهم بعض وكمان نقوى بعض على الصح
انا مش بقول نبعد عن المشاهير ومنتكلمش عنهم بالعكس احنا نقدرهم ونقدر الكويس منهم واللى بيقدم حاجه كويسه يحترم عليها ده زى مابيقولو يتشال على الراس
لكن نبص للموضوع من زاويه توتر حياتنا واستقرارنا ده مش مقبول لا لينا ولا ليهم دول بارضه ليهم حياتهم ومسؤلياتهم الخاصه لو احنا بنحبهم فعلا منتعبهمش
وانا متاكده ان هيثم والمحترمين اللى زيه تعبو وقابلو الموضوع ده كتير
هيثم انسان محترم اوى واكيد كلنا بدون استثناء بنكنله كل الاحترام والتقدير والحب طبعا
لكن نوتره من ناحيتنا بالشكل ده مينفعش احنا لو بنحبه فعلا نحافظ عليه وعلى الكلام اللى بيتقال عليه ونكون حذرين فى التعامل مع نوعية اللى انا بسميهم المجانين
علشان هيثم دوره اللى دايما بيعمله على اكمل وجهه بيساعدنا جدا وبيقومنا وبيقف معانا لابعد الحدود وبيكون لينا حاجات كتير اوى متجمعه فيه
فينا بياخده كمثل اعلى يحتذى به وفى اللى بياخده كاخ اكبر وهكذا
من واجبنا نحافظ عليه ونحافظ على كيانه مش نقول كلام مش مقبول زى معظم الناس للاسف
وده طبعا بياذيه لانه بعد كده لما يتعامل معانا بيكون قلقان ياترى اللى بكلمهم دول من فئة المجانين ولا لا
واحنا مش عاوزين تكون دى علاقتنا بهيثم طبعا وده فيما يخص هيثم
اما عن باقى المشاهير بوجهه عام فالموضوع صعب وكبير وحتاج اننا كلنا نتكلم فيه بشكل كبير واوسع

اوافقكى الرأى يا سموحه والموضوع اصبح وباء لابد من السيطره عليه
وعلى فكره الصحافه هى اللى بتعمل زووم كبير على حياه المشهير الشخصيه وما بيحطلهاش حدود عى الاطلاق